Кава гыч ныжыл лум
Мемнам ала-кунам йöратыше еҥ-влакын
Вес жап да вес тӱня гыч колтымо
Шымалыкышт гае
Волен, мемнам йыр авыра.
Вет мо тугай шымалык? –
Йöратымаш,
Лачак йöратыше чон веле шымата,
Эше чаманыше.
А чаманымаш –
Шӱжар йöратымашын.
От мошто чаманен –
От мошто йöратен.
От мошто йöратен –
От мошто чаманен.
Но мый, эре чаманыме деч шылше,
Молан гын таче тиде лум шымаште
Изиш чаманымым ужнем,
Изиш йöратымым шижнем?
Ала тендан дечын
посна илен ноялтын?
Ала ок сите ныжыл, поро койышда?
Ала ойган чон пӱрдышеш чот вӱдылалтын,
Шкалан шкеак
кавам петырена?
Садлан тендан деч волышо шымалык
Шӱда илаш. Шӱда мураш, йӱлаш,
Йöратымашын ойыпеш чӱкталтын,
Тендан йöратымашдам шуяш.
Уке гын, шочмын, кайымын мо ыҥже,
Уке гынже, чынак, молан илаш?
…Мемнам ала-кунам йöратышын шымалык –
Кава гыч, вес тӱня гыч, лум вола.
С неба снег –
Как когда-то любящих нас людей,
Посланная из другого времени, из другого мира –
Нежность,
Спускаясь, обволакивает нас.
Ведь что такое нежность? –
Любовь.
Лишь любящая душа ласкает.
И жалеющая.
А жалость –
Сестра любви.
Не способен жалеть –
Не способен любить.
Не способен любить –
Не способен жалеть.
Но я, всегда бегущая от жалости,
Почему сегодня в этой снежной нежности
Хочу увидеть хоть толику жалости,
Хочу ощутить хоть толику любви?
Или усталостью стала
жизнь без вас?
Или не достает вашей доброты и ласки?
Или, закутавшись в черный, печальный занавес,
Сами от себя
закрываем небо?
Потому нежность, спускающаяся от вас,
Велит жить. Велит петь, гореть,
Вспыхнув от искры любви,
Продолжить вашу любовь.
Иначе в чем смысл прихода и ухода,
Иначе же зачем жить вообще?
С неба, из другого мира падает снег –
Нежность некогда нас любивших.
Подстрочный перевод автора
Назад в раздел
