Тулысын му вывтi ветлöдлö любов
Сöстöммис да мичаммис
Енэжыслöн рöм.
Эжва берег пасьтала
Дзоридзалö льöм.
Сэки шуда йöзлöн
Медся кыпыд лов:
Тулысын му вывтi
Ветлöдлö любов.
Сэки мича турунöн
Вежöдö видз выв,
Сэки мортлöн сьöлöмын
Чужö сьыланкыв.
Некод тувсов кадö
Зумыша оз ов:
Тулысын му вывтi
Ветлöдлö любов.
Шудаа сэк нюммунас
Нывлöн чужöмбан,
Аддзас сiйö мусуксö,
Кодi медся шань.
Гажтöмтчыны сэки
Нинöмысь оз ков:
Тулысын му вывтi
Ветлöдлö любов.
Тувсов югыд лунъясöй,
Донаясöй тi,
Сьöлöмъясын öзталöй
Радейтчöмлысь би,
Медым сэки некод
Муслунтöг эз ов:
Тулысын му вывтi
Ветлöдлö любов.
Назад в раздел
|