Коми сиктыд ас кадö
Мый сöмын эз пык...
Война коймöд гожöмыс
Вöлi медся тшыг.
Ог тöд, кыдз да, мыйöн да
Кутчысьлiс сэк лов:
Эз тырмы бур йöзыслöн
Овны нянь ни сов.
Шуласны тай, тув йылö
Кынöмтö он шöт,
А кыдз ковмис мырсьыны,
Кодi но оз тöд?
Ропмунiс да жугыльтчис,
Шогö вöйис сикт:
Кодсюрö нин тшыгысла
Пыкталiсны дзик.
Кытчö кöть он видзöдлы,
Гöгöр ставыс мат,
Торъя сьöкыд сиктсалы
Вуджны страдна кад.
Тöлысь чöж кор öтырыш
Енэж югыдлöз,
Кыасянь да кыаöдз
Мырсьöны бур йöз.
Сöмын укшаль войтырлöн
Мудзöмыс оз чин:
Öмидз коръя чай кындзи
Юны нинöм нин.
Пöтöс йылысь сёрниыс
Гартчис рытывбыд:
Пöртйын вöййыв пуисны,
Шома коръя шыд.
Сэсся кын гöрд сэтöрысь
Суктывлiсны рок.
Сöмын татшöм шыд-рокыд
Абу медбур вок.
Тшыгъялöмысь-жебмöмысь
Тадзитö он мын,
Татшöм турун сёяныд
Этша содтö вын.
Лун-лун тайöс аддзан да
Шогö кыдз он вöй?
Öтчыд сэсся ярскöба
Шуис звеньевöй:
"Тадзи овны-уджавны
Водзö оз нин позь,
Ог кö содтöд кывкутöм
Ас вылö ме босьт.
Асьным пöтöс шедöдам,
Код кöть мый оз шу:
Эз на гöльмы чериöн
Орччöн кывтысь ю.
Öнiсянь жö, талунсянь,
Ваö лэдзам тыв,
Рыт и асыв пусьыны
Кутамöй öтвыв".
Кöсйысьны да судзöдны,
Дерт, эз вермы нянь,
Бур нин, мый сюсь вежöра
Вöлi сиктса ань...
Шондiыс нин рытланьö
Катовтчыштас кор,
Видз вылысь да ю вылö
Лэччасны вит морт.
Сэксянь варов би вылö
Öшйис ыджыд пöрт,
Сэксянь страдуйтысьяслöн
Кынöм вöлi пöт.
Чайтiм ладсö-тöлксö да
Ен ни морт оз дзуг...
...Тшап уполномоченнöй
Кыськö воис друг.
Еджыд идзас шляпаа,
Чесуча костюм,
Крут уполномоченнöй
Эз петкöдлы нюм.
Йöз водзас сiдз чатрасьö —
Чегас сьылiдзир,
Лöсталана чужöмсьыс
Чеччö пöтöс дзирд.
"Мыйла талун видз вылас
Сэтшöм этша йöз?" —
Скöр уполномоченнöй
Вайис гым кодь грöз.
Звеньевöйöс лёкногöн
Пинялiс тшын-бус,
Муртса гожся енэжыс
Му вылö эз усь.
"Йöзöс ыстiн тывъясьны —
Тайö саботаж,
Тэд райком бюро вылын
Петкöдлам ми гаж.
Дзугны кöрым дасьтöмсö,
Торкны индöм план,—
Ыджыдджык вредительство
Кöсъян да — он пан.
Тэ тай фронтöс-тылнымöс
Гусьöн йирысь гаг,
Тэ не сöмын асныра,
Тэ тай вöлöм враг."
Няйтöсь кывйöн орсöн моз
Ставлы вöчис дой.
Юква дорö корлiм да,
Тшапитчис, эз сёй.
Бергалiс да шенасис,
Муртса и эз пöр,
Дыр уполномоченнöй
Эз на усйысь бöр.
Скöрмöмысла бöрддзылiс
Зумыш звеньевöй:
"Кöть уполномоченнöй,
Век жö мортыс йöй.
Чайта, йöйног пинялöм
Разалас, кыдз тшын..."
Сöмын чорыд вöйпöмысь
Звеньевöй эз мын.
Йöй уполномоченнöй
Няйтöсьтöма куш:
Водiс аньлöн юр вылö
Гожöм шöрын пуж.
И районысь локтiс бöр
Мыжтöг мыждöм ань.
Казявлiсны шоча зэв,
Мый пö мортыс шань.
Йöз вöсна бур тöждлунсö
Донъявлiсны сёр:
Уна во чöж выговор
Из моз кыскис морт.
Но ас войтыр сиисны
Шудсö чукйöн дзик:
Звеньевöйöс кувтöдзыс
Пыдди пуктiс сикт.
Коми село в свое время
Чего только не пережило…
Третий год войны
Был самым голодным.
Не знаю, как и в чем
Держалась тогда душа?
Не было у людей
Ни хлеба, ни соли.
Говорят, что на гвоздь
Живот не повесишь,
А как пришлось надрываться,
Кто же этого не знает?
Одряхлело и погрустнело,
В горе утонуло село:
Некоторые уже с голода
Опухли совсем.
Куда ни посмотришь,
Кругом всё плохо,
Особенно тяжело сельчанам
Во время страды.
Когда целый месяц
Небо светло-голубое,
От зари до зари
Трудятся люди.
У исхудавших людей
Усталость не проходит:
Кроме чая с листьями малины
Пить уже нечего.
Вокруг еды разговор
Крутился весь вечер:
В котле кипрей сварили,
Суп из щавеля.
Затем из подмороженной красной смородины
Варили кашу.
Только вот такая еда
Не самый лучший брат.
От голода-похудания
Так не спасешься,
Еда из такой травы
Мало прибавляет сил.
День ото дня когда такое видишь,
Как не впасть в горе?
И однажды резко
Сказала звеньевая:
«Так жить-работать
Дальше нельзя,
Если дополнительную ответственность
На себя я не возьму.
Сами пропитание добудем,
Пусть кто говорит, что хочет:
Еще не обеднела рыбой
Река, текущая рядом.
Сейчас же, с сегодняшнего дня
В реку закинем сети,
Вечером и утром кушать
Будем сообща.»
Пообещать и достать
Хлеба она, конечно, не могла.
Хорошо, что умной
Была сельская женщина…
Когда солнце к вечеру
Повернулось,
С лугов к реке
Спустились пять человек.
С этого времени на огне
Повис большой котел,
С этого времени у работников
Живот был полон.
Думали, что этот порядок
Ни Бог, ни человек не изменит.
…Гордый уполномоченный
Приехал откуда-то вдруг.
В белой соломенной шляпе,
Чесучовый костюм,
Крутой уполномоченный
Был серьезен.
Перед людьми так задирает голову,
Что сломается шея.
Блестящее лицо
Лоснится от еды.
«Почему сегодня на лугах
Так мало народу?» -
Сердитый уполномоченный
Грозе, как гроза.
Звеньевую по-всякому
Ругал в дым-пыль,
Чуть летнее небо
На землю не упало.
«Людей послала на реку –
Это саботаж,
Тебе на бюро райкома
Покажем кузькину мать.
Сорвать заготовку кормов,
Помешать выполнению плана, -
Большего вредительства
Захочешь – не сделаешь.
Ты, оказывается, наш фронт и тыл
Грызешь исподтишка,
Ты не только своенравна,
Ты, оказывается, враг».
Грязных слов как плетки
Всем досталось.
Приглашали к ухе,
Возгордился, не стал есть.
Крутился, размахивал руками,
Чуть не упал,
Долго еще уполномоченный
Не уехал обратно.
От злости расплакалась
Хмурая звеньевая:
«Хоть уполномоченный,
Всё же дурак.
Думаю, эта ругань
Развеется, как дым…»
Только от наказания
Звеньевая не спаслась.
Дурак уполномоченный
Вылил на нее грязь:
Лег на голову женщины
Иней в середине лета.
И из района вернулась
Обвиненная напрасно женщина.
Очень редко замечали,
Что человек хороший.
Заботу о людях
Оценили поздно:
Много лет выговор
Как камень тащила она.
Но сельчане желали
Ей полного счастья:
Звеньевую до кончины
Уважало село.
Назад в раздел
