"Вата кодь лым ягын вольсасис тöрыт..."
Вата кодь лым ягын вольсасис тöрыт,
Жоньлöн нор сьыланкыв кылыштö вöрын.
Видзöда, садьмö кыдз сёрмöдчöм кыа,
Кывзыся раминик музыка шыö.
Муслунöн кедзовтны, лёклунöн лыйны,
Шондi и, гожöм и – ставыс нин бöрын,
Лунвылö лэбисны ёртъясныд тiян,
Накöд эн лэбöй тi, пармалöн пиян!
Енмöй видз, кодлыкö тiянöс кыйны,
Муслунöн кедзовтны, лёклунöн лыйны,
Локтöй жö, майбыръяс, локтöй жö сиктлань,
Лэбув и сёянтор тiянлы ликта.
…Нориник сьыланкыв кылыштö вöрын,
Ранитчöм пöтка моз сьöлöмöй вöрö.
Назад в раздел
|