Луныс лои войöн. Дзикöдз пемдiс, синмад кöть сутшкы. Здукöн вошис еджыд лым.
Ме эг повзьы. Эг öзты би.
Нинöм оз тыдав. Киöн малала пемыдсö – гöгöр сöмын сынöд.
Сэсся кутшöмкö Паськöмö самасис жö киöй. Паськöмыс мужичöй гöлöсöн лöня шуис:
- Мый, он аддзы?
- Пемыд да, - вочавидзи ме сылы, весиг эг повзьы.
Паськöм чöв усьлiс, пемыдас кылiс сöмын сылöн лов шыыс. Сэсся бара юалiс:
- Мыйла шöйтан кытi оз ков?
- Ог тöд… Воши…
- Тадзи пыр. Некод оз тöд, кыдзи воöны тайö мирас.
Некымын здук мöвпалiс, чöла олiс. Лолалöм, шы ни ру эз кыв весиг.
Ме ачым кори Паськöмыслысь, шань гöлöса дядьööн чайтсис меным сiйö да:
- Петкöдöй менö югыдас, шондiланьыс.
Паськöм друг зымнитiс кокнас. Гöгöр грымöбтiс, быттьö гым-чард локтö. Сэсся бара лöнис. Недыр мысти вежсьыштöм гöлöсöн шуис:
- Ог вермы. Югыдас оз позь меным, шондiсö оз позь аддзывны и. Сьöлöмыд тэнад колö меным.
- Мыйла? Ог сет, - пыкси ме.
- Ачым босьта! Ставлöн сьöлöмыс, кодi волiс татчö, кодi паныдасьлiс тайö пемыдас, ме дорын.
Паськöм друг топöдiс менö. Ме лёкысь ойöстi. Морöсысь збыль быттьö мыйкö нетшыштiсны. Пуртöн моз гурйыштiсны. Кöсйи бöрддзыны, а синва абу. И быттьö вир тусь абу. Ачымöс эг кут кывны. Вир-яйöй воши. Чуньясöн чуткала ачымöс, а ме пыдди куш сынöд.
- Мый лои? Кöнi ме?
- Тэнад сьöлöмыд кулiс. Ловтö коли – абу на дзикöдз сьöдасьöма. Оз позь сэтшöмсö татчö кольны. Пемыд царствоын сöмын сьöд ловъяс, найö оз югзьöдны пемыд олöмсö.
Сэсся менö, гöн кодь лолöс, пöльыштiсны пемыдсьыс. Веськалi Югыдö. Югыдас да – лэби, лэби, лэби… Но ассьым ин, кöнi ме олi водзджык, эг аддзы. Лэбала муа-ваа костас, и некод менö оз аддзы. Ме сынöд, ме сöмын лов, и менам сёрниöй шытöм… Некодлы ме ог ков.
Асыв. Синмöс восьтi. А асылыс югыд-югыд! И ог эскы, ловъя ме либö збыль кулi. Видлi тушаöс – эм. Куйла аслам вольпасьын, аслам жырйын, общагаын. Чеччи да петi жырйысь. Орччöн олысь видзаасис:
- Бур асыв!
Сэк ме збыльысь повзи. Йиа ваö быттьö веськалi. Ме – ловъя! И ог тöд, радлыны либö шогсьыны. Сьöлöмöй дзик тыртöм. А гашкö, и абу нин сьöлöмöй – морöс пытшкöс куш.
Вöтын ме мездмöм лов вöлi. Менö некод эз вермы дойдны, ме некöн эг вöв ковтöм морт кодьöн… Став Енкöлаыс вöлi меным асöн да восьсаöн. Ме эг майшась, эг мöвпав. Ме лэбалi…
А танö кодi ме? Позьö-ö öнi шусьыны мортöн?
Танi – öшинь сайын лым. Танi – мамукöй. Танi верма ме радейтны да…лолавны.
Пыри аслам жырйö, бöр водi. Эшкын улö дзебсьöмöн сыркъялöмöн бöрддзи. Юрувт вазис пöсь синваöн. Синваöй эм… Сiдзкö, и сьöлöмöй ас инас.
День стал ночью. Совсем стемнело, хоть глаз выколи. Вмиг пропал белый снег.
Я не испугалась. Не включила свет.
Ничего не видно. Рукой прикасаюсь к темноте – вокруг лишь воздух.
И вот рука моя зацепилась о какую-то Одежду. Одежда заговорила со мной мужским голосом:
–Что, не видишь?
–Темно же ... – нисколько не испугавшись, ответила я.
Одежда молчала, в темноте ощущалось только ее дыхание. И снова спросила:
–Зачем бродишь, где не следует?
–Не знаю... Потерялась.
–Так всегда. Никто не знает, как попадают в этот мир.
Некоторое время Одежда думала, молчала. Ни дыхания, ни звуков не было слышно. Сама попросила у Одежды, подумалось по голосу – хороший дядька:
–Выведите меня на свет, к солнцу.
Одежда вдруг топнула ногой. Вокруг загремело, как будто приближаются гром и молния. И опять затихло. Через некоторое время другим голосом сказала:
–Не могу. Нельзя мне, нельзя видеть мне солнце. Сердце твое мне нужно.
–Зачем? Не отдам, - противилась я.
–Сам возьму! У всех, кто оказывался здесь, кто встречался мне в этой темноте, их сердца у меня.
Одежда вдруг прижала меня. Я истошно вскрикнула. Как будто вправду из груди что-то вырвали.
Как ножом выскребли. Хотела заплакать, а слез нет. И как будто ни капли крови нет. Перестала себя ощущать. Тело исчезло. Пальцами себя щупаю, а вместо меня один воздух.
–Что случилось? Где я?
–Твоё сердце умерло. Душу оставил – не совсем ещё очернилась. Нельзя такую оставлять. В темном царстве только чёрные души, они не освещают темную жизнь.
Потом мою, легкую как перышко, душу сдунули из темноты. Попала неожиданно в Свет. И в Свете – летела, летела, летела... Но своё место, где жила раньше, не могла найти. Летаю между небом и землёю, и никто меня не видит. Я воздух, я только душа, и голос мой беззвучный... Никто меня не слышит... Никому я не нужна.
Утро. Открыла глаза. А утро яркое-яркое. И не верю – жива ли я или вправду умерла... Лежу в своей постели, в своей комнате, в общаге. Встала и вышла из комнаты. Соседка поздоровалась:
–Доброе утро!
И тогда я вправду испугалась. Как будто попала в ледяную воду. Я – живая! И не знаю, радоваться или расстраиваться. Сердце совсем пустое. А, может, и нет уже сердца – в груди пусто.
Во сне я свободная (освобождённая) душа. Мне никто не причинял боль, не была человеком никому нужным... Я не тревожилась, не мыслила ни о чём. Я лежала...
А здесь кто я? Могу ли называться человеком? Здесь – за окном снег... Здесь – мамочка моя. Здесь я могу любить и … дышать.
Вернулась в свою комнату, снова легла. Укрывшись, спрятавшись под одеяло, судорожно зарыдала. Подушка намокла горячими слезами. Значит, и сердце на месте.
Подстрочный перевод автора
Назад в раздел
