На главную страницу
Отправить сообщение
Карта сайта

Закрыть
Логин:
Пароль:
Забыли свой пароль?
Регистрация
 Войти  Регистрация













Календарь

Пӧлӧзнича (на коми языке)

16.02.2017 11:14

Бур юöрöн шыöдчис карса олысьяс дорö Иван Васильевич Нестеров –  Кулöмдiн районса профессиональнöй шылад тэчысьыс, волöй пö миян сьылысь котыр дорö шойччыштны да тöжд-майшасьöмысь сьöлöмтö личöдыштны. И со февраль дасöд лунö ми паныдасим Коми культура шöринын.

Колян во май дас нёльöд лунö тайö сьылысь хорыслы сетöмаöсь «йöзкостса сьылысь котырлысь» пас. Нимтöмаöсь асьнысö «Пöлöзничаöн». Кыпыда видзöдчысисны пöлöзнича-аньяс  югыдлöз сарапанъясöн да  кык юсь вышивкаа водздöраясöн. Он и казяв, мый найö дзик прöстöй аньяс, а видзöдöм сертиыс найö быттьö академическöй хорысь. Бöръя кöкъямыс вонас Иван Васильевич сэтшöма шыльöдöма сьылысь котырлысь гöлöсъяссö, мый збыль вылö кылан и йиджтысян вылi тшупöда сьылысьяс пытшкö.

Александра Васильевна Моторина (тайö коллективас сьылысь) менö стöчмöдiс: йöз водзын петкöдчöм – сiйö асьтö мичаа кутöм, видзöдысьяслöн син сертиыс сьылысьлысь этшсö донъялöм, да и ас пытшсьыд пыдзыртöм шысö синъялöм, кыдзи сьöлöм бердас имитö залын пукалысьяслы. Тадзи пö миянöс писькöдö сьыланкывъя творчествоас Иван Васильевич. Тайö, тыдалö, шылад тэчысьлöн медшöр туйвизьыс.

Сьылан котырас «поздысьöмаöсь» куим сиктысь сьылысьяс: аныбсаяс, ручсаяс, дереваннöйсаяс, ставыс дас кöкъямыс морт. Иван Васильевич висьталiс, мый тайö сьылан котырас зiлисны уна кöсйысь, но  бöрйöма сöмын мича гöлöса йöзöс. Весиг оз эскыссьы, мый татшöм ичöтик сиктын эм ыджыд таланта йöз! Дерт, найö ас паськöмöн да ас нимсö эскöдöмöн тайö аддзысьлöмсö восьтiсны Василий Григорьевич Лодыгинлöн кывъяс да шылад улын «Коми дзоридз» сьыланкывйöн. Тайö сьыланкывсö вöлi гижöма 2001-öд воын и öти гöлöсöн сьылöм вылö, но танi Иван Васильевич сiйöс мичмöдiс нёль гöлöсöн сьылöм вылö. Сьылöмыс йöлöгаöн юргö: «Вöльнöй светас медся мича войвыв дзоридз пöлöзнича. Быдмö сiйö Коми муын – шоныд лола асъя руын». Кывзiгас горшыд гöрддзасьлö. Асланыс репертуарö босьтöмаöсь и Вомынса аньлысь, кодi помавлöма Москваса консерватория, профессиональнöй шылад тэчысь Александра Ивановна Обрезковалысь «Кöкöй, кöкöй» сьыланкывсö, мый гижлöма сiйö 1924-öд воын. Удмуртияын Глазов карын тайö сьыланкывсö комилысь медся вылö донъялöны. Куш öти сьыланкывсö кывзöмыс сетö серпас коми йöзыслысь оланногсö да пыдiсянь олöм вежöртöмсö, рочöн кö, комилысь менталитетсö. Лолсö кутöмöн кывзiсны и Виктор Алексеевич Савинлысь «Югыд кодзув» сьыланкыв, кöнi орччöдöма кодзувъяслысь петöмсö да нывлысь вöля кутöмсö. Тайö коми песеннöй творчествоын зарни чир, мый позьö сöмын Иван Васильевич Нестеров сьылысь котырлысь аддзыны да кывны нёль гöлöсöн мича, мыла юргöмсö. Хорсö мичмöдö йöктöмöн и Альбина Юрьевна Панюкова, öткымын сьыланкыв он вермы йöктытöгыс сьывны, шуам, Василий Яковлевич Гущинöн лöсьöдöм шылад улын «Ок, йöй, кыкысь йöй!», кор аддзан налысь йöктöмсö, небыда личавлö вир-яйыд.  Гажсö зэв лöсьыда нуöдiс Дереваннöй администрацияöн веськöдлысь Елена Васильевна Булышева.

Бöрыннас нин видзöдысьяс юасисны, кодi пö татшöм мичаа матыстчöма гаж дорас. Мортыс пö пыр сьöлöмсяньыс юöртiс, кодi да мый йылысь мунас сёрниыс, быттьö пö миянöс пыр дасьтiс водзö кывзöм да гöгöрвоöм вылö, гашкö и сьылысь котырыслысь визьнитны сямлунсö. Асланыс репертуарö найö босьтöмаöсь Кулöмдiн районса медся бур шылад тэчысьяслысь сьыланъяссö, кыдз Василий Григорьевия Лодыгинлысь, Василий Александрович Лютоевлысь, Александр Егорович Уляшевлысь, Василий Николаевич Чувьюровлысь, Василий Яковлевич Гущинлысь, Лидия Даниловна Чувьюровалысь, кывбур тэчысь Виталий Васильевич Уляшевлысь.

Тадз öтувтöм кодзувъяснас Иван Васильевич Нестеров тöдчöдö, мый кулöмдiнлöн медся озыр сьылан муыс, да сылöн йöз водзö петкöдан сьылысь котырыс. Зэв эсканаöн сьылiс Виталий Уляшев кывбур вылын «Коми морткöд сёрни» Галина Алексеевна Нестерова: Эска, сьöлöмын олö Войвыв Муыслöн би… Шу вай комиöн: чолöм! – кор мен чургöдан ки. Шуа тэныд эн рочась, кор мен чургöдан ки… Мыйла сёрнитам шоча мамлöн кыв вылын ми? Тайö сьыланкывйыс чуйдöдö миянöс сыö, мый воштыны ас кыв – сiдзкö воштыны  ас Му. Мед эськö пыр вöлi ас Му вылын Аныбса сьылан котыр, кодi юргö «Пöлöзнича» нимöн, кодi мичмöдö Кулöмдiн районсö. Ме югыда вежга налы, мый эм налöн ыджыд сяма, зарни кияса баянист, медся стöча шыладсö тэчысь и кылысь морт – Иван Васильевич Нестеров.

 снимокъясыс авторлöн   


Автор
  • Мария Плоскова, журналист

Фотогалерея

Возврат к списку







Архив публикаций
   
Пн Вт Ср Чт Пт Сб Вс
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2


Фотоальбом




Rambler's Top100


Главная | Новости | ФУКЦ РФ | Сообщество
Сайт находится в стадии информационного наполнения.
Ваши замечания и пожелания Вы можете оставить здесь.




© Филиал ГРДНТ им. В.Д. Поленова "ФУКЦ РФ", 2007-2017.
При использовании материалов
ссылка на сайт www.finnougoria.ru обязательна.
В оформлении сайта использованы работы Павла Микушева.
Республика Коми, г.Сыктывкар, ул. Ленина, д. 73,
тел./факс (8212) 440-340,
e-mail: fucult@finnougoria.ru