Ме тiянлы вöтаси
Олöм — пуыс, а ме сылöн сьöмöсыс,
Олöм — юкмöс, а ме — сыын ва,
Ме кö вöтыс, то сійö нин — вемöсыс,
Сійö би, а ме вуджöр кодь cа.
Вижов син пöвнас наяна тöлысьыс
Помтöм чöж туйсö югдöдö дыр.
Менам доддьö нö коді сöлысьыс?
Олöм доддьöй тай абу тыр.
Ыджыд кöшсьыс со олöмыс кисьтö
Сир сьöд енэжас кодзула шуд.
Сöмын мем тай кодзув оз письты,
Оз тай усь меным олöмлöн пуд.
Чöж туй кузяыс ньöжйöник рöдта,
Юрсö копыртö мудзöмöн вöв.
Сöмын ме дінö — тöдса кöть тöдтöм,
Олöм кындзиыс некод эз сöв.
Кöшысь гылалö кодзув — öти да мöд…
Тайö зэрсьыс сылi-кöтаси.
Кадыс кольö, и менö вунöдад, öд
Ме тіянлы сöмын вöтаси.
Назад в раздел
|