02.04.2008 09:05
Юркарын олысь комиизьватас чукöртчылiсны асланыс шöринö—«Изьва керкаö». Сёрнитiсны национальнöй культура сöвмöдöм кузя кольöм вося удж йылысь, пасйисны, мый колö вöчны матысса кадö.
Гöсьтьясöс вочаалiс гажаа сьылöмöн «Изьва» ансамбль. Та бöрын юркарысь «Изьватас» котырöн веськöдлысь В.П.Рочев доньялiс аслас землякьяслысь уджсö, ошкис найöс культура сöвмöдöмö ыджыд пай пуктöмысь.
«Изьва керкаса» директор Василий Прокопьевич — зэв сибыд да восьса сьöлöма морт. «Изьва керкаö» волöны и суйöр сайысь, и Россияса карьясысь, и Коми му пасьталаысь гöсьтьяс. Тöжд-могыс уна. Колö дасьтысьны праздникьяс кежлö, пасйыны землякьяслысь чужан луньяс, «гöгрöс» юбилейяс. Изьваысь диагностическöй шöринö волысьяс пыравлöны жö татчö тшай юны, музейöн тöдмасьны, вичкоын юрбитыштны и. Из сайын да мукöдлаын олысь изьватасыд сэсся нимкодьпырысь шуöны: «Бара тай волiм Изьва пельöсö, кöнi мичыс и сынöдыс асланым, зэв дона да муса».
В.П.Рочев висьталiс ыджыд аттьö «Изьва керкаын» уджалысь А.А.Ларионовлы да С.Г.Семяшкинлы. Алексей Александрович танi лöсьöдöма Печораса пароходстволы сиöм музей, чукöртöма гижöдьяс да снимокьяс лызьöн котралысь Изьваса спортсменьяс йылысь. Колö шуны, Ларионов ачыс котралö лызьöн и томьясöс ышöдö спортад. Степан Григорьевич — серпасасьысь, гижö изьва кыв вылын сьыланкывьяс.
—«Изьватас» котырö пырысьяс,—тöдчöдiс В.П.Рочев, — ёна водзмöстчöны. Кольöм во котыртлiсны Выльгортын 2-öд номера ПУ-са велöдчысьяскöд аддзысьлöм. Волывлöны татчö и КГПИ-са, СГУ-са да вöр институтса студентьяс. Танi жö том йöз пасйöны ассьыныс нимлуньяс.
Уна бур кыв вичмис и «Изьва» ансамбльлы. Сэтчö пырысьяс гажöдöны ассьыныс землякьяссö, весиг ветлывлöны концертьясöн ылi грезд-посёлокö.
Комиысь национальнöй политикаса министрöс вежысь Галина Ивановна Габушева ошкис жö «Изьватас» котырöс да торйöн сэтысь Сыктывкарса юкöнын зiльысьясöс — С.Г.Семяшкинöс, А.А.Ларионовöс, А.Г.Ануфриеваöс.
«Изьватас» сiдзжö ёртасьö мукöд землячествокöд. Емдiн котырöн веськöдлысь Александр Васильевич Козлов аттьöалiс жö изьватасöс, век пö дасьöсь сетны отсöг.
Тайö рытас унаöн сёрнитiсны-юксисны асланыс мöвпьяснас. Сiдз, СГУ-са велöдысь, филология наукаса кандидат В.В.Филиппова висьталiс Изьва районса сиктьясын йöзкостса фольклор чукöртöм йылысь. Валентина Викторовнакöд окотапырысь ветлöны Изьва районö и СГУ-са студентьяс.
Сыктывкарса вöр институтысь Алексей Анатольевич Терентьев веськöдлö вузас «Изьватас» котырöн. Висьтасис, мый институтас велöдчöны Изьва районын чужлöм 150 ныв-зон. Эмöсь на пöвстын и рационализаторьяс, и спортсменьяс, и сьылысь-йöктысьяс.
Уна на бур кыв висьталiсны сёрнитысьяс. Быдöн пасйис, мый кутасны водзö сöвмöдны изьватас войтырлысь культурасö.
«Изьватаслы» - уна бур кыв
Юркарын олысь комиизьватас чукöртчылiсны асланыс шöринö—«Изьва керкаö». Сёрнитiсны национальнöй культура сöвмöдöм кузя кольöм вося удж йылысь, пасйисны, мый колö вöчны матысса кадö.
Гöсьтьясöс вочаалiс гажаа сьылöмöн «Изьва» ансамбль. Та бöрын юркарысь «Изьватас» котырöн веськöдлысь В.П.Рочев доньялiс аслас землякьяслысь уджсö, ошкис найöс культура сöвмöдöмö ыджыд пай пуктöмысь.
«Изьва керкаса» директор Василий Прокопьевич — зэв сибыд да восьса сьöлöма морт. «Изьва керкаö» волöны и суйöр сайысь, и Россияса карьясысь, и Коми му пасьталаысь гöсьтьяс. Тöжд-могыс уна. Колö дасьтысьны праздникьяс кежлö, пасйыны землякьяслысь чужан луньяс, «гöгрöс» юбилейяс. Изьваысь диагностическöй шöринö волысьяс пыравлöны жö татчö тшай юны, музейöн тöдмасьны, вичкоын юрбитыштны и. Из сайын да мукöдлаын олысь изьватасыд сэсся нимкодьпырысь шуöны: «Бара тай волiм Изьва пельöсö, кöнi мичыс и сынöдыс асланым, зэв дона да муса».
В.П.Рочев висьталiс ыджыд аттьö «Изьва керкаын» уджалысь А.А.Ларионовлы да С.Г.Семяшкинлы. Алексей Александрович танi лöсьöдöма Печораса пароходстволы сиöм музей, чукöртöма гижöдьяс да снимокьяс лызьöн котралысь Изьваса спортсменьяс йылысь. Колö шуны, Ларионов ачыс котралö лызьöн и томьясöс ышöдö спортад. Степан Григорьевич — серпасасьысь, гижö изьва кыв вылын сьыланкывьяс.
—«Изьватас» котырö пырысьяс,—тöдчöдiс В.П.Рочев, — ёна водзмöстчöны. Кольöм во котыртлiсны Выльгортын 2-öд номера ПУ-са велöдчысьяскöд аддзысьлöм. Волывлöны татчö и КГПИ-са, СГУ-са да вöр институтса студентьяс. Танi жö том йöз пасйöны ассьыныс нимлуньяс.
Уна бур кыв вичмис и «Изьва» ансамбльлы. Сэтчö пырысьяс гажöдöны ассьыныс землякьяссö, весиг ветлывлöны концертьясöн ылi грезд-посёлокö.
Комиысь национальнöй политикаса министрöс вежысь Галина Ивановна Габушева ошкис жö «Изьватас» котырöс да торйöн сэтысь Сыктывкарса юкöнын зiльысьясöс — С.Г.Семяшкинöс, А.А.Ларионовöс, А.Г.Ануфриеваöс.
«Изьватас» сiдзжö ёртасьö мукöд землячествокöд. Емдiн котырöн веськöдлысь Александр Васильевич Козлов аттьöалiс жö изьватасöс, век пö дасьöсь сетны отсöг.
Тайö рытас унаöн сёрнитiсны-юксисны асланыс мöвпьяснас. Сiдз, СГУ-са велöдысь, филология наукаса кандидат В.В.Филиппова висьталiс Изьва районса сиктьясын йöзкостса фольклор чукöртöм йылысь. Валентина Викторовнакöд окотапырысь ветлöны Изьва районö и СГУ-са студентьяс.
Сыктывкарса вöр институтысь Алексей Анатольевич Терентьев веськöдлö вузас «Изьватас» котырöн. Висьтасис, мый институтас велöдчöны Изьва районын чужлöм 150 ныв-зон. Эмöсь на пöвстын и рационализаторьяс, и спортсменьяс, и сьылысь-йöктысьяс.
Уна на бур кыв висьталiсны сёрнитысьяс. Быдöн пасйис, мый кутасны водзö сöвмöдны изьватас войтырлысь культурасö.
Автор:
Валентин Чупров
Источник:
Газета "Коми му" от 1 апреля 2008 года
