Йöзöдoма Москваын (на коми языке)

Москваын петысь «Горнöй журналлöн» редакция да «Руда и металлы» издательство керка лэдзисны «Моим Северам» литературнöй альманах, кытчö пырисны Коми  Республикаысь учёнöй-геологьяслöн да журналистьяслöн  прозаа да поэзияа гижöдъяс.

Став тайö висьтьясыс, казьтылöмьясыс, кывбурьясыс петавлiсны нин Коми Республикаса геологьяслöн водзмöстчöмöн лэдзöм литератураа сборникьясын да альманахьясын. Лыддян найöс да гöгöрвоан, кутшöм абу кокни геологьяслöн уджыс, кор лунысь-лун колö восьлавны парматi, гöраястi мупытшкöсса озырлун корсигöн. Но кутшöм нимкодь овлывлö сьöлöм вылын сыысь, мый уджыд эз вош весьшöрö. Республикалöн карта вылын лоö пасйöма мупытшкöсса озырлунлысь выль куйлöдьяс. А сэсся сэнi чужасны выль карьяс да посёлокъяс. Буретш тайö корсьысьöмьясыс и тшöктöны геологьяслы босьтны киас перö-ручка. И на пöвстын уна гижысьыс.

Выль альманахлöн ав-торьяс лыдын Коми Республикаысь промышленносьтса да экономикаса министр Николай Герасимов, академик Николай Юшкин, геолого-минералогическöй наукаса докторьяс Яков Юдович, Виктор Юдин, Ирина Запорожцева, журналистьяс Сергей Журавлев, Виктор Демидов, Мария Кузьмина, Евгений Суворов да мукöд.

А дасьтiсны сiйöс Коми Республикаысь промышленносьтса да энергетикаса министр Николай Герасимов, сэтчöс министерствоса главнöй специалист-эксперт Алексей Иевлев, Коми Республикаысь вöр-ва озырлун да гöгöртас видзöм кузя министр Александр Боровинских, сiйöс вежысь Михаил Тарбаев, академик Николай Юшкин. Небöгсö мичмöдöма Комиысь вöр-валы сиöм снимокьясöн.