Бара юргас сьыланкыв (на коми языке)
06.05.2008 10:06
Сыктывдiнын июль 4-5 лунъясö витöдысь мунас йöзкостса сьыланкывлöн «Завалинка» фестиваль. Виччысьöны, мый сэтчö воласны Россияса 19 регионысь: Комиысь, Мордовияысь, Чувашияысь, Ненеч да Ханты-Манси автономия кытшьясысь, Архангельск, Киров, Мурманск обласьтьясысь да мукöдлаысь сьылысьяс - 800 гöгöр морт. Сёрнитчöны и Эстонияса, Германияса, Венгрияса, Финляндияса котырьяскöд. Медыджыд гöсьтнас праздник вылас лоö Москваысь «Белый день» котыр.
Тавося фестивальсö сиöма Семья волы, та вöсна сценарийсö дасьтöмаöсь тайöс тöд вылын кутöмöн. Дерт, видзöдысьяслы дасьтöны и виччысьтöмторьяс, öд праздниксö котыртысьяс зiльöны вöчны сiйöс кыдз позьö мичаджыкöн да ярьюгыдöн. Кыдзи и пыр, кутас уджавны «Мастеръяслöн кар», кöнi петкöдласны ас киöн быд сикас вöчöмторсö. А вузасьысьяс чöсмöдласны ставнысö небыд пöжасöн да уна сикас вöлöгаöн.
Источник:
Газета "Коми му" (Республика Коми) от 6 мая 2008 года
Возврат к списку
|
