Талун нимöдасны Ильчуковъясöс (на коми языке)

Сыктывдiнса рöдвуж войтыр паськыда нималöны асланыс бур вöчöмторъясöн да зiль уджöн. А кык во сайын районысь медся тöдса овъяса войтыр öтувтчисны «Сыктывдiнса рöдвуж» котырö.

Тайö кыпыд аддзысьлöмыс вöлi Сыктывдiн районса история да культура музейын. Сэксянь татшöм аддзысьлöмьясыс овлöны некымын тöлысьнас öтчыдысь. Паныдасьлiсны нин Худяевьяс, Оплесниньяс, Налимовьяс, Чеусовьяс, Кузивановьяс.

И со май 15 лунö, кор семья воö пасйöны тшöтш семьялысь лун, Паджгаын чукöртчыласны Ильчуковьяс. Буретш тайö сиктсьыс налöн вужьясыс.

Медся нималанаяс лыдас Россияса народнöй артистка, Россияысь да Коми Республикаысь государственнöй премияяса лауреат Ия Петровна Бобракова (нывдырся овыс Ильчукова). Театр радейтысьяс пиысь унаöн помнитöны и зэв бур актёр, Коми Республикаса народнöй артист да РСФСР-са заслуженнöй артист Леонард Фёдорович Ильчуковöс. Бур пас колис ас иывсьыс нималана артистлöн батьыс, Фёдор Николаевич Ильчуков—гражданскöй войнаса ветеран, партийнöй да сöветскöй уджалысь.

Эмöсь тайö рöдас учёнöйяс. На лыдын вокьяс, Василий да Сергей Васильевич Ильчуковьяс, биология наукаса кандидатьяс. Нимöдасны тайö аддзысьлöм вылас и «Паджга» овмöдчöминлöн öнiя администрацияса юралысь Лидия Есримовна Ильчуковаöс. Ильчуковьяс висьталiсны асланыс тöрытья да талунья олöм-вылöм, а сiдзжö водзö вылö могьяс йылысь.

«Сыктывдiнса рöдвужпöн» выль аддзысьлöмыс лоас Нювчимын. Сэнi кутасны нимöдны Поповьясöс.