"Печораса бияс" (на коми языке)

Туристъяслы татшöм мича нима ордымъяс лöсьöдöмаöсь таво гожöм Чилимдiнын.

Локтысь йöзлы петкöдласны районса медся мичаинъяссö, войвывса историякöд йитчöм местаяс, Чилимдiн сикт да Чильма ю, Пижмаса косьяс да Тиманлысь нöрысъяс. Кöсйысьяс пыжъясöн вермасны кывтны Тобыш, Косма, Низевая, Пута, Созьва, Шапкино, Сула юястi. Шойччигöн позяс и чери кыйыштны.

Тöдмöдасны и Чилимдiнса войтырлöн культураöн, старообрядечьяслöн эскöмöн. Петыр лунö корласны гажöдчыны паськыд Печора бокö бипур дорын, июль 11 лунö нуöдласны «Чилимдiнса горка» вылö. Петкöдласны тшöтш А.В.Журавскийлысь музей-керкасö.

Тайö ордымъяссö лöсьöдiс «Жилищно-эксплуатационнöй управление» ООО, да тадзи воöм йöзöс войвывса мичöн тöдмöдöмысь кындзи предприятиеыс вöзйö и татчöс олысьяслы выль уджаланiнъяс. Неважöн на таö босьтчисны, но кöсйöны нин водзö вылö лöсьöдны турфирмаяскöд топыдджык йитöдъяс, корсьöны ичöт бизнес сöвмöдöм могысь содтöд сьöм.

Кöкъямыс-дас лун кежпö урчитöм туйö дас мортöдз котыръяс кутасны петавны сентябрöдз.