Комилöн нэмöвöйся оланiнö (на коми языке)

18.07.2008 11:11

Челядьлысь татшöм нима эколого-краеведческöй экспедиция котыртлiсны «Югыд ва» национальнöй паркын.

Тайö парксьыс директорöс вежысь Ирина Кожевникова юöртiс, мый экспедициясö котыртöма сы могысь, медым нывьяс да зоньяс вермисны тöдмасьны сэтчöс вöр-ваöн, гежöда паныдасьлысь турун-быдмöгьясöн, паркыслöн геологическöй да археологическöй колясьясöн, Пöдчерем ю бокö пуксьöм нэмöвöися сикт-грездьясöн.

Экспедицияас вöлiны Печора да Вуктыл районьясысь 14-17 арöса 20 нывзон. Матö кык вежон челядь велöдчисны компас да карта серти тöдмавны, кöнi войвыв да лунвыв, отсавны доймöм мортлы. Таысь öтдор вит верстьöлöн юрнуöдöм улын нывьяс да зоньяс резина пыжьясон кылöдчисны Пöдчерем ютi, кежалiсны овтöм нин Орловка, Ыджыд да Ичöт Емель грездьясö, тöдмасисны комилöн нэмöвöйся оласногöн. Кайлiсны и Тима-из вылö, кодлöн судтаыс 693 метр.

Источник: Газета "Коми му" (Республика Коми) от 16 июля 2008 года