Велöдiсны венгр кыв (на коми языке)

Карелияысь, Комиысь, Марий Элысь, Мордовияысь да Удмуртияысь, Коми-Перым кытшысь да Ленинград обласьтысь 15 морт август 18—29 лунъясö велöдчисны Венгрияса «Хунгарология» Гожся университетын.

Мадьяр кыв да Венгриялöн культура, история, литература, социология, религия йылысь лекцияяс налы лыддисны нималана учёнöйяс - Петер Домокош, Янош Пустаи, Пал Тамаш, Ференц Мучи да мукöд. Велöдысьяс да велöдчысьяс юксисны финн-йöгра войтырлысь кывсö да культурасö видзöм-сöвмöдöм йылысь мöвпьясöн. Россияса регионьясысь воöм войтыр висьтасисны ас кывьяс вылын петысь радио да телепередачаяс, öтуввезйын лист бокьяс иылысь, наиö пö и том иöзöс ышöдöны тöдны чужан кывсö. Комиысь да Карелияысь нывьяс петкöдлiсны ас войтырлысь паськöмсö.

«Хунгарология» Гожся университетсö быд во котыртлö Сомбатхей карса Рытыввыв Венгрия университетысь урал филология кафедра. Но таво СоIIедiит Реппо-IIдгiсит уджтас серти (веськöдлысьыс - профессор Янош Пустаи) сiйöс медводдзаысь на нуöдiсны Балатон тыбердса Бадачоньтомай курортын. Та вöсна велöдчöмысь öтдор позис и шойччыштны Балатонса лыа вылын. Россияысь войтырлöн сюрис кад тöдмасьны и Венгрияса тöдчана местаясöн: Сциглигет карын XIII нэмся крепосьтöн, кыпöдчывны Бадачонь гöра вылö да пыжьясöн кывтны Таполца гöраын из горсьясса тыястi.

Газета "Коми му" (Республика Коми) от 11 сентября 2008 года