И асланыс нюмыс петö (на коми языке)

Сыктывкарса коми культура шöринын неважöн воссис зэв аслыспöлöс выставка, кöнi фотоискусство радейтысьясöс аслас уджöн тöдмöдö фотограф Кирилл Затрутин.

Выставкаыслöн нимыс нин аслыспöлöс: «Вери импортант персонс», англиискоиысь роч выло вуджöдöмöн «Очень важные персоны». Гöгöрвоана, кодьясöс петкöдлö аслас снимокьяс вылын Кирилл Затрутин. Но газет-журнальясын кö найöс кызвыннас серпасалöны кыдз ассьыс кывкутана удж вöчысь нималана политикöс, государственнöй службаса чина мортöс, ыджыд предприятие-организацияöн веськöдлысьöс, тайö выставкасö дасьтысьыс зiльöма, мед тайö йöзыс петкöдчисны и мöдджык боксянь, мед, шуам, на вылö видзöдiгöн и нюмыд тшöтш петас. Быд лунья олöмас öд сэтшöм жö йöз найö, мед и чинныс мукöд дорысь ёна ыджыдджык. Дерт, чинаясыд пырджык зiльöны кутны асьнысö сiдз, мед эз вöв помкаыс сiйö жö фотографьясыслы «пысасьнысö», но... Сюсь синма фотокорьяс век жö казялöны «колана» здукьяссö. И сэсся тайö снимокьяс вылас видзöдiгöн, кыдз тыдовтчис Кирилл Затрутинлöн выставка дырйи, и асланыс чина йöзлöн нюм-серамыс петö.

Газета "Коми му" (Республика Коми) от 11 сентября 2008 года