Зарни киöн да кыпыд руöн (на коми языке)

Декоративно-прикладнöй искусстволöн да йöзкостса ремеслöяслöн «Медбур мастер» быд вося выставка, кодi таво вöлi юркарса Национальнöй галереяын август 21 - октябрь 2 лунъясö,  лоö  миян  республикаса зарни киа  да кыпыд руа йöзлöн творческöй уджлы аслыспöлöс кывкöртöдöн.

Сыктывкарысь, Ухтаысь, Печораысь, Интаысь, Усинскысь, Сыктывдiн, Емдiн, Чилимдiн, Луздор, Койгорт районъясысь öкмысдасысь унджык мастер да художник петкöдлiсны тавося выставка вылын ассьыныс киподтуйсö да сямсö. Кыдзи и быд во, водзмöстчисны и Сыктывкарса госуниверситетлöн искусствояс факультетын да Коми Республикаса Юралысь бердын искусствояс гимназияын велöдчысь том йöз.

Медбур мастеръяслы вичмисны дипломъяс. Пасйисны сюмöдысь, пуысь вöчасьысьясöс, кысьысь-вурсьысьясос да иозкостса мукод сикас ремеслöö нырччысьясöс.

Коми декоративно-прикладнöй искусствоса мастеръяслöн союзлысь торъя премиясö таво сетiсны Печораысь Галина Огородниковалы.

Медтöдчана «2007 вося медбур мастер» премияыс жö вичмис Сыктывдiн районса Паджга сиктын олысь Тамара Гилевалы, кодi петкöдчис конкурс вылас ас кыöм ки чышкöдъясöн, салфеткаясöн, джодждöраясöн. Буретш сылысь киподтуй-сямсö донъяласны сэсся Великöй Новгородын «Россияса Войвыв» дасöд  выставка вылын.

Газета "Коми му" (Республика Коми) от 7 октября 2008 года